1618. Інвентар Іасафата Кунцэвіча. Дольцы Літоўскія. Старына

Наступным полацкім архіепіскапам пасля  Гедэона Бральніцкага стаў у 1618 годзе Іасафат Кунцэвіч – постаць яскравая, супярэчлівая і трагічная. Ён быў апантаным прыхільнікам уніі і прыкладаў усе намаганні, каб дамагчыся распаўсюджвання уніі ў Беларусі і атрымання поўнага кантролю над былымі праваслаўнымі царквамі, якія часта толькі фармальна былі пераведзены ў унію, а практычна заставаліся праваслаўнымі. Праваслаўная царква і праваслаўныя вернікі актыўна аказвалі супраціў. Напрыклад, месцічы Магілёва нават не ўпусцілі Кунцэвіча ў горад і адмаўляліся прызнаваць яго ўладу над праваслаўнымі царквамі і манастырамі. З дапамогай караля Жыгімонта, Кунцэвіч дабіўся перамогі ў гэтым канфлікце, але супрацьстаянне паміж ім і праваслаўнымі толькі ўзрастала. 13 лістапада 1623 года Іасафат Кунцэвіч быў жорстка забіты жыхарамі Віцебска, і цела яго было кінута ў Дзвіну. Ужо праз год ён быў аб’яўлены мучанікам, у 1643 годзе – блажэнным, а ў 1867 – святым.

Інвентар полацкай архіепіскапіі 1618 года, зроблены для Іасафата Кунцэвіча, дапамагае ўбачыць, якія змены адбыліся ў маёнтках за 17 гадоў, з часу папярэдняга інвентара 1601 года.

Інвентар дайшоў да нас у складзе дакумента 1718 года. Інвентар напісаны па-стара-беларуску, а гэты дакумент ужо напісаны па-польску, што сведчыць аб выніках працэсу паланізацыі шляхты і дакументаабароту ў ВКЛ на працягу XVII стагоддзя.

Важным дапаўненнем да інвентара 1601 года ў інвентары 1618 года з’яўляецца апісанне межаў маёнткаў Дольцы і Весніцк. Гэтыя межы, здаецца, не вельмі адрозніваюцца ад межаў, азначаных у Плане Генерального Межевания Минской губернии, створаным у 1797-1801 гадах, – першай дэталёвай мапе беларускіх зямель пасля далучэння да Расійскай Імперыі.

Між тым, ёсць і некаторые адрозненні. Напрыклад, інвентар сведчыць, што на пачатку XVII стагоддзя мяжа даходзіла да возера Сверзна, і “въ томъ озерѣ вступъ спольный зъ сусѣды прилеглыми”, а ПГМ паказвае напрыканцы XVIII стагоддзя мяжу вышэй, з паўднёвага боку азёраў Замошша і Царкавішча.

Шмат назваў вёсак, урочышч, азёраў, рэчак і ручаёў, згаданых у апісанні межаў, захаваліся і да нашага часу. Разам са спісамі жыхароў Долец і Весніцка, інвентар прыводзіць спіс “дымоў” вёскі Замошша. Прозвішчы, якія запісаны ў Замошшы ў 1618, у інвентары 1601 года азначаны ў канцы далецкага спіса. Ці перапісчык спрасціў інвентар, запісаўшы ўсіх у адно сяло?

Старына таксама згадана ў інвентары 1618 года (гэта можа быть першай зафіксаванай у гістарычных дакументах згадкай Старыны), але не як асобная вёска са спісам жыхароў, а як нейкае ўрочышча (асобная, паіменаваная частка зямлі ці леса) пры апісанні далецкіх межаў. Сыходзячы з таго, што ў сярэдзіне-канцы XVIII стагоддзя (у прыватнасці, на падставе інвентара 1785 года) Старына – самая буйная вёска Вялікадолецкага маёнтка (і нашмат буйнейшая за самі Вялікія Дольцы), і таго, што прозвішчы з далецкіх інвентароў 1601-1618, якія захаваліся да нашых часоў, – гэта прозвішчы жыхароў Старыны (Пепелка, Скаражонак, Крыка), зробім выснову, што Старына – гэта было месца ў маёнтку Дольцы, мабыць, як сведчыць сама назва, старае, вядомае здаўна месца, здаўна разаранае (побач з іншымі, новымі, месцамі, заселенымі, разаранымі пазней). Такім чынам, найбольш верагодна, што Дольцы на старых мапах – гэта, ў першую чаргу, Старына, дзе пражывала большасць жыхароў маёнтка і ў тыя даўнія часы, як і ў часы пазнейшыя.

Таксама ў інвентары гаворыцца аб зямлі і чатырох хатах, якія належалі вялікадолецкай царкве: “при той церкви свещенникъ маетъ землицы наданое зъ давныхъ часовъ дымовъ чотыры; при той же церкви панамаръ, дымъ одинъ.” Гэта – вёска Бобрына, якая належала гэтай царкве на працягу некалькіх стагодзяў. А ў метрыках пачатку XIX стагодзя выпадкова сустракаем і згадку пра дату фундуша – перадачы зямлі, залежных сялян, іх падаткаў і павінаў на карысць царквы – 1566 год. (Цікава адзначыць, што ў 1566 годзе Полацк быў пад Іванам Жахлівым, а архіепіскапы Полацкія прызначаліся ў Маскве. Але гэта не перашкодзіла фундушу захавацца на далейшыя трыста гадоў, нягледзячы на ўсе змены ўлады, на ўсе войны.) Спіса гэтых дымоў няма ў інвентары, таму што належалі яны не архіепіскапу, а менавіта вялікадолецкай царкве; толькі колькасць хат: 4. Параўнаем з інвентаром 1785 года: 6 хат. Не вельмі вырасла вёска за 170 гадоў. Мабыць, гэта таму, што зямлі было не шмат (тры валокі для надзелаў сялян, з агульных шасці ў фундушы), і яна была абмежавана пачатковым фундушавым надзелам.

Вернемся да апісання межаў. Сярод пералічаных розных месцаў маёнтка звяртае на сябе ўвагу некалькі каповішч: Паравенскае каповішча, каповішча Сваролле, каповішча ля Барка, каповішча ля ручая Бышкоўскага. Гэта – месцы тагачасных (ці нядаўніх яшчэ ў часы стварэння інвентара) копных судоў. Назва “каповішча Сваролле” – ці не ад старажытнага паганскага бога Сварога, апекуна шлюбу?

Вельмі шмат згадваецца пустак (пустошаў) – і ў інвентары 1601, і ў інвентары 1618 года. Пусткі – гэта раней жылыя, а цяпер нежылыя хаты, двары. Называюцца яны, відавочна, па імені былога гаспадара. Некаторыя пусткі сустракаюцца ў абодвух інвентарах – г.зн., яны так і ляжалі пустымі ўсе 17 гадоў. Напрыклад: Савінска (1618)-Савішчызна (1601), Шаркова-Шаркаўшчызна, Міхалкова-Міхалкоўшчына. Некаторые пусткі з 1601, здаецца, былі зноў заселены ў 1618 – напэўна, гаспадар вярнуўся: пустка Тварагова ў 1601 і Ісак Тварог у Дольцах у 1618. І таксама з’явіліся новыя пусткі ў 1618: напрыклад, Павел Цыбуля у Дольцах у 1601, і пустка Цыбульчына у 1618. Напэўна, асноўным чыннікам узнікнення такой вялікай колькасці пустак былі войны. “Тое село Усвица въ пустѣ, по выстью Полоцка зъ рукъ Московскихъ, лежало” – даведваемся мы з інвентара 1618, і, думаецца, гэта была вельмі тыповая сітуацыя.

І яшчэ адзін нечаканы і вельмі цікавы факт: і Дольцы, і Весніцк у апісанні межаў маёнткаў названы Літоўскімі. Чаму гэта так? У інвентары 1601 года і ва ўсіх ранейшых згадках яны ніколі не называліся Літоўскімі. Зараз можна толькі здагадвацца. Можа быць, гэта – яшчэ памяць маскоўскага панавання ў Полацку 40 гадоў дагэтуль, і азначэнне “Літоўскія” у назве з’явілася таму, што маёнткі гэтыя знаходзіліся на мяжы гістарычнай Літвы і Русі, былі на франціры памежных спрэчак Масковіі і ВКЛ, і для погляда з усходу яны належалі Літве, і гэта адлюстравалася ў назве – нават дзесяцігоддзі пасля таго, як Полацк быў павернуты да ВКЛ…

1618 г. Января 10 дня. Инвентарь недвижимаго имущества Полоцкой архіепископіи, составленный королевскими комиссарами для Полоцкаго архіепископа Іосафата Кунцевича // Акты издаваемые Виленскою Археографическою Комиссiею. T9

Roku tysiąc siedmset ośmdziesiąt czwar­ tego, miesiąca Decembra szóstego dnia. 

Przed aktami ziemskiemi woiewodztwa Wileńskiego stanowszy osobiście w Bogu wielebny iegomość xiądz Floryan Kruszew­ski — rektor Collegium Waleryan. Schol. Piar. extrakt z xiąg ziemskich woiewodztwa Połockiego inwentarza spisania dóbr archiepiskopii Połockiey, przez kommissarzów iego królewskiey mości, w tym że inwen­ tarzu wyrażonych, w roku tysiąc sześćset ośmnastym, miesiąca Januarii dziesiątego dnia sporządzonego, do akt podał, który co do słowa w xięgi ziemskie woiewodztwa Wileńskiego wpisuiąc, temi następuiącemi wyraża się słowy.

Wypis z xiąg ziemskich spraw wieczy­stych woiewodztwa Połockiego roku tysiąc siedmsetnego trzydziestego pierwszego, mie­siąca Januarii dwudziestego dziewiątego dnia.

Na rokach sądowych ziemskich trzykrólskich, porządkiem prawa pospolitego przy­ padłych у sądownie w Połocku odprawuiących się przed nami Troianem Haską— sędzią, Józefem Antonim Sielawą—podsędkiem, Bazylim Rypińskim—pisarzem, urzędnikami sądowemi ziemskiemi woiewodztwa Potockiego, comparendo personaliter u sądu patron iegomość pan Roman Lenkiewicz—krayczy Połocki, inwentarz sta­ry spisania dóbr archiepiskopii Polockiey, przez kommissarzów iego królewskiey mości w tym że inwentarzu wyrażonych, w roku tysiąc sześćset ośmnastym, miesiąca Januarii dziesiątego dnia sporządzony, ze wszystką w nim wyrażoną rzeczą, ad acta xiąg ziem­skich spraw wieczystych podał, in eum te­norem russkim pismem pisany:

Инвентарь списанья и поданья всихъ добръ архіепископіи Полоцкое, у воеводствѣ Полоцкомъ лежачихъ, церкви соборное и окрестныхъ, двора его милости архіепископ­ского, бояръ, подданыхъ и людей посель­скихъ, здавна належачихъ до архіепископіи Полоцкое, черезъ насъ—мене Іозифа Велямина Руцкого—метрополиты Кіевского, Галицкого и всея Русси, а мене, Януша Скумина Тышкевича—писара его королев­ское милости великого князства Литовско­го и старосты Браславского, за листовнымъ намъ розказаньемъ одъ его королев­ской милости найяснѣйшого нашого мило­стивого пана, подалисьмо тые вси добра въ моць, въ держенье и въ уживанье въ Возѣ велебному его милости отцу Іосафу Кунцевичу—архіепископу Полоцкому, Витепскому и Мсциславскому, въ року те­ перь идучомъ тысеча шестьсотъ осимнадцатомъ, мѣсяца генваря десятого дня.

Напервей: дворъ архіепископскій, стоя­чій въ замку Вышнемъ Полоцкомъ, а мяновите: свѣтлица столовая поземая, старая, въ ней оконъ чотыре, оконницы на завѣсахъ, оболонки шкляные и двери одны на завѣсахъ зъ замкомъ нутренымъ; печь старая побѣленая; на противкутое свѣтлице свѣтелка въпокоевая, оболоны шкля­ные, на завѣсахъ, оконницы, двери двое на завѣсахъ зъ замками нутреными, печь но­вая поливаная; въ тылѣ тое свѣтлицы другая свѣтелка упокоевая, оболоны шклянные, двери и окна на завѣсахъ, печь по­ливаная; за тымъ упокойцомъ — двое схованье для сѣна и шопа до возовъ; подлѣ тое шопы стайня; подле стайни во­рота уѣзные до двора; а подле воротъ свиренъ на подклѣтѣ, за тымъ свирномъ знову ворота великіе уѣзные, и фортка; подле тыхъ воротъ звоночокъ малый што до столу звонятъ; подле тыхъ воротъ свѣ­телка зъ коморою, окна и двери на завѣ­сахъ, оболоны шклянные, печь простая старая; за тою свѣтлицою пекарня; на противку пекарни свѣтлица служная, две­ри и оконницы на завѣсахъ, оболонъ двѣ шклянныхъ; одъ тое свѣтлицы спижаренка простая, то есть лазня; на противку свѣтелка кухмистровская, въ сѣнехъ кух­ня, въ боку броваръ, подле свѣтелки пив­ница.—Передъ вороты уѣзными того двора церковь соборная Святое Софіи, мурованая, старая, и побитье на той церкви опало и погнило, а скарбъ церковный и иншіе вси опараты, до ней належачіе, также и начинье всякое домовое на особ­ливый регестръ есть описано и подано.— Кругомъ того двора огороды его милости належачіе, почавши одъ двора его коро­левской милости, подле паркану надъ рѣ­ку Полоту до Бакшты, которая стоитъ на устѣхъ одъ тое бакшты, подле паркану, надъ рѣкою Двиною, до фортки, которою зъ замку на мѣсто ходятъ, а одъ тое фор­тки подле паркану одъ мяста подле церкови Светое Софіей до огорода пана пи­сара кгроцкого Полоцкого ажъ до колодзѣзя, который естъ подле дороги, которая идетъ зъ мѣста черезъ замокъ до дво­ра его королевской милости стоячого въ замку Вышнимъ Полоцкомъ; а одъ того колодезя подле двора его королевское ми­лости ажъ до стайни двора его милости архіеппскопского. На тыхъ огородахъ два домки стоятъ служебниковъ его милости архіепископскихъ, Михаила Тлущевского, и Ждана кравца.—Тудъ же церковь деревняная старая, заложенье Благовѣщенья Пресвятыя Богородицы, а на противку школа.—Въ мѣстѣ Полоцкомъ на посадѣ Великомъ пляцовъ до тое церкви собор­ное належачихъ, на улицы Пликовской было, а мѣщанъ на тыхъ пляцахъ мѣшкаючихъ, домовъ, которые предъ тымъ того бывали подъ присудомъ ихъ милости архіепископовъ, а теперь, нѣтъ вѣдома, за якимъ правомъ бурмистрове мѣста По­лоцкого на себе тые пляцы и тыхъ мѣ­щанъ забравши, подъ присудомъ своимъ оныхъ маютъ.

Церквей деревяныхъ окрестныхъ, въ тымъ же мѣстѣ Полоцкомъ стоячихъ: цер­ковь Рождества Христова на мѣстѣ подъ замкомъ; церковь Святой Троицы и Светого Спаса въ рынку; церковь Светого Про­рока Иліи на улицы въ посадѣ; церковь Вознесенья Христова въ посадѣ на ули­цы; церковь за Полотою у Святыхъ Козь­мы и Демьяна; церковь тамъ же за Поло­тою Сошествія Святого Духа; церковь на передмѣстію Невельскомъ Святого Петра; тамъже и церковь Святого Юрія; въ полю церковь за Двиною, въ посадѣ Слобоцкомъ, святого Іоанна Крестителя.

Подъ тыми церквами земли: одна до Святого Спаса—было служебъ землица або полянка въ полю за Воловымъ озеркомъ; до церкви Святого пророка Иліи землица або полянки за Полотою; на церковь свя­того Козьмы и Деміяна; монастырь, въ полю у верхъ рѣки Двины стоячій надъ рѣчкою Вѣльцицою, церковь святыхъ Борыса и Глѣба мурованая старая, опала и побитье на ней сгнило; церковь тамже на томъ монастырю мурованая святое Пятни­цы, также опала; церковка тамже новопобудованая, деревяная, святое Пречистое.— Маетности, до тыхъ церквей здавна належачіе, села, подданые, ихъ милость панове Корсакове одобрали одъ давного часу и нѣтъ вѣдома, за якимъ правомъ и до сего часу на себе держатъ, а мяновите служобъ… (?); также и его милость князь Ми­хаилъ Друцкій-Соколинскій—воевода По­лоцкій село Уродо и село Отоки, до того монастыря належачіе, на себе забравши, держитъ, а меновите дымовъ… (?). О тую ма­етность, о село Отоки и Уродо его милость архіепископъ Полоцкій отецъ Іозафъ Кун­цевичъ застановенья учинилъ зъ его ми­лостью княземъ Михаломъ Друцкимъ-Соколинскимъ, воеводою Полоцкимъ, ижъ по животѣ его милости пана воеводы, тые села до монастыря маютъ быти привернены, а теперь заразомъ въ нагороду шкодъ его милость панъ воевода пустилъ село свое Сянники.

Фольварокъ его милости архіепископ­скій на Струни: свѣтелка зъ коморкою ста­рая, на противку пекарня, клѣти двѣ, сырница, пунька, обора и хлѣвы, пекарня, на противку истобка до молотви, стайня; тое все будованье опало и надгнило. Гум­но въ томъ фольварку: осѣти двѣ, токовня або пуня, гдѣ збоже складаютъ и мо­лотятъ; пуня для хованья сѣна и соломы. 

Подданые до того фольварку Струнского: 

• Васко а Иванъ Зуй загородникъ, дымъ одинъ; 
• Матвѣй Стафѣевичъ бояринъ, за рѣчкою Струнею, дымъ одинъ.

Подданые въ селѣ Насилицахъ: 

• Петръ Пенезѣвичъ старецъ, дымъ одинъ, 
• Михалко Якимовичъ, дымъ одинъ, 
• Андрей Яно­вичъ, дымъ одинъ, 
• Тышко Ходычинъ зъ Семеномъ Колесникомъ, дымъ одинъ, 
• Лу­кьянъ Илиничъ а Марко и Юрко Петро­вичи, дымъ одинъ, 
• Миколай Петровичъ а Иванъ на Лученицу, дымъ одинъ, 
• Лукяновского пустошъ панъ Околовъ пашетъ, дымъ одинъ, 
• на Бѣлой водѣ Курило и Алексѣй Аннаничи, дымъ одинъ, 
• тамже Бальвѣровская пустошъ, дымъ одинъ.

Село на Соснѣ рѣцѣ: 

• Лазаръ, дымъ одинъ, 
• Иванъ Плеханъ, дымъ одинъ, 
• тамже въ пустѣ дымъ одинъ. 

Пета границы тымъ селкомъ починается одъ рѣки Двины къ дворцу Струньскому съ Просмусцомъ ру­чьемъ уверхъ до пня соснового, а съ то­го пня до дороги Бѣловодское, тою до­рогою ѣдучи зъ Полоцка до Бѣлой воды, до сяножати его королевской милости до Хлевища, а одъ Хлевища ручьемъ унизъ въ рѣку Струню; тою рѣкою Струною уверхъ ажъ до Бѣлой воды; а зъ Бѣлой воды тоюжъ рѣкою Струнею, не доходя Евнина, у ручей Плотивецъ; тымъ ручьемъ Плотивцомъ, уверхъ, ажъ до бору, про­зываемого Церковного; въ томъ бору ру­бежи старовѣчные въ рознымъ деревѣ, ажъ до Городища надъ Сосну рѣку; а одъ Городища ручьемъ унизъ въ Сосну рѣку; а зъ Сосны рѣки суходоломъ до ручая Лученьца; тымъ ручаемъ унизъ ажъ до рѣки Двины; конецъ надъ рѣкою Оболью.

Бывало сельцо Маринецъ, которое на сесь часъ въ пустѣ лежитъ, въ нимъ быва­ло дымовъ… (?). Пета границы тому сельцу починаетъ се одъ болота великого, тамъ, гдѣ зъ него выходитъ рѣчка Маринецъ; рѣчкою Маринцомъ унизъ ажъ до рѣки Оболи; рѣкою Оболею унизъ ажъ до устья у рѣку Оболь ручья Крутого; ручьемъ Крутымъ ажъ до дороги, которая идетъ зъ Полоцка до Витебска; одъ тое дороги тымъ же ручьемъ Крутымъ уверхъ ажъ до рубежовъ въ ясени вырубанныхъ; одъ ясени въ клёнъ, зъ клёну въ дубъ; зъ ду­ба въ ручай и опять въ тоежъ болото.

Тамъ же надъ тоюжъ рѣкою Оболью бывало сельцо Глыбокое, которое на сесь часъ тежъ впустѣ лежало, а бывало ды­мовъ три.

Тые селка свещенникъ Рожественьскій держитъ зъ ласки его милости архіепи­скопское. За нимъ теперь заложилъ се ново че­ловѣкъ Федоръ Рыбникъ. Граница тому селку: село Устиновичи на Оходнѣ, въ томъ селѣ было человѣковъ осѣлыхъ ды­ мовъ осьмъ, которое теперь панъ Да­ніель Щитъ Забѣльскій—подсудокъ зем­скій Полоцкій, держитъ замѣною одъ небощика архіепискупа зошлѳго отца Бролницкого; за которое тые Устиновичи въ одмѣнѣ его милость панъ подсудокъ По­лоцкій за рѣкою Двиною далъ въ селку Дручанахъ поданного, на име Сопрона, дымъ одинъ.

Село Роштовское, въ томъ селѣ людей осѣлыхъ дымовъ… (?); о тое село въ пра­вѣ стоятъ его милость архіепископъ зъ паномъ Даніеломъ Щитомъ—подсудкомъ Полоцкимъ. О тое село Роштовское его милость архіепископъ Полоцкій отецъ Іосафъ Кунцевичъ учинилъ застановенье зъ его милостію паномъ Даніеломъ Щитомъ Забѣльскимъ — подсудкомъ Полоц­кимъ, ижъ по животѣ его пана Даніеля Щита тое село Роштовское до церкви привернено быти маетъ.

Село Бѣлое унизъ рѣки Двины одъ По­лоцка, которое на сесь часъ панъ Мико­лай Околовъ держитъ: 

• Максимъ Бадяло, Устинъ и Степанъ Плешковичи, дымъ одинъ, 
• Сава Титовичъ, дымъ одинъ, 
• Па­велъ Видунъ и Иванъ, дымъ одинъ, 
• Васько и Павелъ Ростокъ, дымъ одинъ. 

Пу­стошь Корабовская, бывалъ дымъ одинъ; пустотъ Карповская, бывалъ дымъ одинъ. Тамже неподалеку подданный церковный Семенъ зъ братомъ, дымъ одинъ; того подданного діаконъ церкви соборное свя­тое Софіи держитъ. 

Граница тому селку починаетъ се одъ земли его милости па­на Парнавского, тежъ названного селомъ Битымъ, зъ озера Чорного, одъ маетно­сти пановъ Корсаковъ—хоружицовъ По­лоцкихъ; одъ села Жохтовичъ зъ рѣчки Дохнарицы у рѣчку, прозываемую Дубо­ву Колоду; зъ тое рѣчки суходолемъ, ру­бежами старыми по деревью розномъ, че­резъ дорогу великую, которая идетъ зъ Соколища до Полоцка, ажъ у рѣчку Жваницу, недалеко устья рѣки Дрисы; тою рѣкою Жванницою у верхъ одъ грунтовъ села Замшана, зъ рожными особами, зъ ихъ милости отцами езуитами коллегіумъ Полоцкого и зъ его милостью паномъ Парнавскимъ, также и зъ грунтомъ Замшеньскимъ Троецкимъ; а одъ тое рѣчки Жванницы суходоломъ влѣво, рубежами старыми по деревью розномъ одъ грунту Маринского, который на сесь часъ панъ Павелъ Соцкій держитъ, озерками Гребеньцами зъ грунтомъ Іёва Замшеньца; ко­торый грунтъ на сесь часъ панъ Парнавскій держитъ, ажъ у въ озерко Торкле; а одъ того озерка Торкля болотомъ знову у тоежъ озеро Чорное, зъ которого гра­ница почела се.

Село Хоробровъ Камень у низъ рѣки Двины; въ томъ селѣ здавна бывало ды­мовъ пять осѣлыхъ, а теперь впустѣ, ко­торое на сесь часъ держитъ панъ Лавринъ Дворецкій; въ томъ селѣ граница слушная, здавна.

Село Деготки на Каменцы надъ рѣкою Двиною, которое на сесь часъ панъ Илія Туковичъ держитъ; въ томъ селѣ фольварокъ съ пашнею дворною. Подданные до того двору: 

• Иванъ Жеребецъ, дымъ одинъ, 
• Андрей зъ Юркомъ, дымъ одинъ, 
• Амеліанъ, дымъ одинъ, 
• Михалковая вдова, дымъ одинъ, 
• Андрей Глухій, загородникъ, дымъ одинъ, 
• пустошъ Янковская, дымъ одинъ, 
• пустошъ Лестевская, дымъ одинъ. 

Грани­цы обводъ тому селу Деготкамъ починаетъ се одъ рѣки Двины, вышей острова Ви­торожа, ручьемъ Глиновцомъ уверхъ ажъ у мохъ до Волотовокъ, къ дорозѣ Славщику, которая идетъ зъ Мохирова; тыми урочищами одъ рѣки Двины одъ кгрунту пана Даніеля Щита—подсудка Полоцкого, къ Гетартовщизнѣ, дорогою Славщикомъ и рубежами по деревѣ, также мхами ажъ до пяты, гдѣ се зходятъ границы три— селу Мохирову, селу Деготкомъ и селу Роштовскому, въ ручай въ живую воду; ручьемъ около грунту, прозываемого Клинъ, который Клинъ былъ передъ тымъ того при селѣ Деготкахъ, а теперь прикгрунтѣ Роштовскомъ; тымъ же ручьемъ Прудины одъ кгрунту села Галичина, которое держитъ панъ Павелъ Пежицкій; ручьемъ въ Мостища черезъ дорогу великую Дисеньскую у мохъ, а потомъ зась въ ру­чай; зъ ручья въ межу, а зъ межи въ рѣ­ку Двину унизъ того села Деготокъ, тутъ конецъ границы.

Село Кушлики, которое на сесь часъ держитъ свещенникъ Рожественскій: 

• Янъ старецъ, дымъ одинъ, 
• Отрохимъ Прокопо­вичъ, дымъ одинъ, 
• Иванъ Василевъ, дымъ одинъ, 
• Павелъ дымъ одинъ, 
• пустошъ Митиновская зъ будованіемъ, дымъ одинъ, 
• пустошъ Борисовская зъ будованіемъ, дымъ одинъ. 

Пустовщизны, на которыхъ будованья жадного нѣтъ, пустошъ Петро­ва, дымъ одинъ, пустошъ Чортова, дымъ одинъ, пустошъ Васькова, дымъ одинъ, пустошъ Пришивальнева, дымъ одинъ, пу­стошъ Райкова, дымъ одинъ, пустошъ Илина, дымъ одинъ, пустошъ Опанасова, дымъ одинъ, пустошь Авсѣёва, дымъ одинъ, пустошъ Коскова, дымъ одинъ, пустошъ Клизова, дымъ одинъ, пустошь Стасюкова, дымъ одинъ. 

Въ томъ селѣ Кушликахъ обводъ границы описанъ быти не можетъ для того, ижъ тамже село Кушлики его королевское милости, которое на сесь часъ держитъ его милость панъ Весоловскій, а нивы шаховницами идутъ. А по­винность тыхъ подданныхъ: зъ кождого збожа, со льну и зъ конопель четвертый снопъ на пана даютъ, а мёдъ на полъ, и засѣвокъ на пана засѣваютъ.

Село Замшины, которое на сесь часъ держитъ отецъ Яковъ, свещеникъ Троецкій: 

• Павелъ Бѣлосовичъ, дымъ одинъ, 
• Богданъ старецъ, дымъ одинъ, 
• Матвей Отрохимовичъ, дымъ одинъ. 

Граница тому селу: пета границы, взявши одъ земли Жванское, одъ мостища у рѣку Жваницу; рѣ­кою Жваницою унижъ къ земли ихъ ми­лости отцовъ езуитовъ Полоцкихъ, ку до­розѣ великой, которая идетъ зъ Соколища до Полоцка; одъ тое дороги суходоломъ, боромъ и мхами, также болотами, ажъ до земли пана Парнавского; зъ болота че­резъ ниву у дорогу Посельскую; тою до­рогою ажъ до дороги великое Славщика; Славщикомъ до рѣчки Грамощи; тою рѣч­кою уверхъ граница зъ землею зъ Ласковскою ажъ до земли Криноцкое у рѣчку; тою рѣчкою унизь до суходоловъ; сухо­доломъ прошодши знову въ рѣчку, кото­рая вышла зъ болота; тою рѣчкою унизь до дороги Славщика; того дорогою Слав­щикомъ, ѣдучи до Полоцка, ажъ до мо­стища тогожъ, откуль се почеяла грани­ца. До тогожъ села двѣ сяножати надъ рѣкою Дрисою, которое панъ Высковскій, нѣтъ вѣдома, для чего ихъ на себя ко­ситъ.

Село Крынки: 

• Стефанъ старецъ, дымъ одинъ, 
• Криштофъ, дымъ одинъ, 
• Фёдоръ Голубъ, дымъ одинъ. 

Въ томъ селѣ передъ тымъ бывало человѣковъ пять, которые долю давали зо всего збожа снопъ че­твертый, а медъ на полъ. Граница то­му селу: одъ земли пана Прилупского Крынокъ одъ рѣчки Перемѣры, ручьемъ унизь Двинѣ до бору Осаковского, до до­роги Борковской старыми рубежами въ розномъ деревѣ; одъ дороги Борковское къ земли пана Вольского, мхами, болота­ми, ручьями ажъ до ручья Меженска; въ того ручья ольсами, мхами и болотами ажъ до рѣчки Перемѣры, гдѣ знову ко­нецъ тое границы.

Фольварокъ и съ пашнею дворною въ порогахъ Микольскихъ подъ Дисною; под­ данныхъ осѣлыхъ до того фольварку ды­ мовъ… (?). О тотъ фольварокъ и о поддан­ныхъ въ правѣ его милость архіепископъ зъ его милостью паномъ Корсакомъ Львовичомъ стоитъ.

Тамъ же подъ Дисною село Горки; въ томъ селѣ было дымовъ осѣлыхъ… (?); тое село мѣщане Дисненскіе Нарбуты на сесь часъ держатъ.

Село, прозываемое Троецкое, надъ рѣ­кою Ушачою, которое на сесь часъ дер­житъ отецъ Яковъ, свещеникъ Троецкій: 

• Иванъ Нестеровичъ, дымъ одинъ, 
• Гав­рило Филоновичъ, дымъ одинъ, 
• Кондратъ Мѣшковичъ, дымъ одинъ. 

Тамже въ томъ селѣ фольварчокъ збудованный надъ рѣ­кою Ушачою одъ отца Якова. Грани­ца тому селу: почавши одъ рѣки Ушачи, одъ кгрунту Полацовского, ручьемъ уверхъ мхами и старинами до земли пана Козарыновы; тамъ граница зъ чотырма панствы и рубежи въ дубѣ; одъ того дуба пристаринками и болотами къ земли Хилимоновой; одтуль суходоломъ и приста­ринками земли Отмывальниковской; а одъ тое земли ручьемъ унизъ до рѣки Ушачи; а рѣкою Ушачою уверхъ ажъ до зем­ ли Полозовской, тамъ конецъ границы.

Мѣстечко Вороночъ. Въ томъ мѣстечку церковь заложеніе Рожество Пресвятое Богородицы; свещеникъ держитъ пустошъ Михневцова Лазаровскую, дымы два; 

• тотъ же подданныхъ маеть своихъ осѣлыхъ двохъ—дымъ одинъ, 
• Орѣхова Карповичъ, дымъ одинъ, 
• Кононъ Ходоровичъ, дымъ одинъ, 
• Сопронъ Козелъ, дымъ одинъ, 
• Грышко Петровичъ, дымъ одинъ, 
• Янъ Ляхъ, дымъ одинъ, 
• Ермолъ Кольпенокъ, дымъ одинъ, 
• Павелъ Ганчаръ, дымъ одинъ, 
• Ан­дрей Понамаръ, дымъ одинъ, 
• Грышко Корзенъ, дымъ одинъ, 
• Семенъ Кравецъ, дымъ одинъ, 
• Марко Карповичъ, дымъ одинъ. 

Въ томъ же мѣстечку огородниковъ: 

• Рат­ко Тупица, дымъ одинъ, 
• Федоръ Тышковичъ, дымъ одинъ, 
• Сидоръ Пискунъ, дымъ одинъ, 
• Амбросъ Чеверсъ, дымъ одинъ, 
• Иванъ Чоботаръ, дымъ одинъ, 
• Кузьма Колпенокъ, дымъ одинъ, 
• Марко Новикъ, дымъ одинъ, 
• Селивоновая вдова, дымъ одинъ, 
• Грышко Парфеновичъ, дымъ одинъ, 
• Лавринъ Ковецкій, дымъ одинъ, 
• Иванъ Щибра, дымъ одинъ, 
• Микита, дымъ одинъ, 
• Война Крыцкій, дымъ одинъ, 
• Гаурукъ, дымъ одинъ. 

Подданые посельскіе подъ тымъ мѣстечкомъ: 

• Грышко Степанцевичъ, дымъ одинъ, 
• Матвѣй Кумецъ, дымъ одинъ, 
• Юр­ко бояринъ на слѣду Андреевскомъ, дымъ одинъ, 
• Федоръ Жаба, дымъ одинъ, 
• Сава Муха, дымъ одинъ, 
• Андрей Приставка, дымъ одинъ, 
• Никипоръ Сопроновичъ, дымъ одинъ, 
• Михайло Петрище бояринъ на слѣду Золоженскимъ, дымъ одинъ, 
• Семенъ Хламетенокъ, дымъ одинъ, 
• Матвѣй Залоза, дымъ одинъ, 
• Янъ Урбановичъ, дымъ одинъ,
• Грышко Урбановичъ, дымъ одинъ, 
• Романъ Дементеевичъ, дымъ одинъ, 
• Петръ Снипковичъ, дымъ одинъ, 
• Иванъ Михневецъ, дымъ одинъ, 
• Стефанъ Урбановичъ, дымъ одинъ, 
• Иванъ Скирмонтъ, возный, дымъ одинъ, 
• Романъ Можейко, бояринъ, дымъ одинъ.

Село Старинки: 

• Криштофъ Зиковичъ, дымъ одинъ, 
• Аудзей Козленокъ, дымъ одинъ, 
• Семенъ Андреевичъ, дымъ одинъ, 
• Иванъ Моровейникъ, дымъ одинъ, 
• зъ товарышомъ, дымъ одинъ. 

Тое селько одмѣною дано одъ пана Жука за село Путылковичи, въ которымъ было осѣлыхъ дымовъ осьмнацеть.

Село Науличи: 

• Сава Борысовичъ ста­рецъ, дымъ одинъ, 
• Павелъ Олексѣевичъ, дымъ одинъ, 
• Амеліанъ Жакъ, дымъ одинъ, 
• Якимъ Шершень, дымъ одинъ, 
• Яковъ Пет­ровичъ, дымъ одинъ, 
• Сопронъ Плешковичъ, дымъ одинъ, 
• Андрей Жаба, дымъ одинъ, 
• Семіонъ Голый, дымъ одинъ, 
• Михалко Махначъ, дымъ одинъ, 
• Левонъ Петровичъ, дымъ одинъ, 
• Омеліанъ Исаковичъ, дымъ одинъ, 
• Ходоръ Павловичъ, дымъ одинъ, 
• Иванъ Алексѣевичъ, дымъ одинъ, бояринъ.

Село Межигорье: 

• Павелъ Янковичъ, бояринъ, 
• Федоръ Янковичъ, бояринъ, 

подъ тыми обѣма дымовъ шесть.

Граница тымъ селомъ: почовши одъ озе­ра Улича суходоломъ у мохъ красный; со мху у ручей; ручьемъ тымъ у мохъ Вагунникъ; со мху доловиною на гору, у ниву прозываемую Глину, рубежами старыми у ручей; ручьемъ уверхъ у сухо­долъ у липу; зъ липы у дуба, зъ дуба у болото къ Глыбокому озеру; одъ озера черезъ поле у Незливо озеро, въ томъ озерѣ вольное ловенье рыбъ его милости архіепископу, зъ ихъ милостьями отцами езуитами коллегіумъ Полоцкого; зъ того озера у мохъ; со мху въ рѣку Незлевку; тою рѣкою унизъ до прудинъ, у боръ, граница Спаскимъ боромъ; тымъ боромъ до мху, прозываемого Бобовникъ, до мо­сту Березового, тутъ конецъ границы се­лу Науличомъ зъ отцами езуитами, зъ селомъ ихъ милости Науличами. А одъ мосту Березового починаетъ граница се­лу Межигорью зъ паномъ Карвовскимъ, зъ имѣніями его Куровичами, дорогою ве­ликою Полоцкою, которая идетъ зъ села Науличъ до Полоцка, ажъ до Ростины Салятины, до сосны зъ рубежами; а зъ сос­ны Латокою у мохъ бѣлый; со мху у два копцы Близняки, конецъ озера Окунева; одъ тыхъ концовъ боромъ подъ высокій Грыбель у копецъ; зъ копца у Волчую яму; одъ ямы у Красную сосну; одъ сосны боромъ подле мохъ, прозываема Токовя до ясеня, у которомъ рубежи давные; одъ ясеня до рѣчки Каменки; тою рѣчкою унизъ до рѣки Ушачи, до перевозу Ушачого, уверхъ ажъ до Бобровыхъ Избицъ, до кгрунтовъ Воронецкихъ зъ розными землями; зъ Бобровыхъ Избицъ мхомъ до Великого мосту, до Кривое березы; одъ Кривое березы, мхомъ у ручей, надъ ручь­емъ кленъ зъ рубежами; тымъ ручьемъ уверхъ черезъ Старикъ дорогу, у дубовый пень горѣлый; одъ того пня Лотокою до озера Карасня, то озеро умѣстное зъ па­номъ Жукомъ; зъ Карасня мхомъ въ ру­чей; ручьемъ уверхъ до суходоловъ у мхи, прозываемые Озеравы, зъ Озеравы у Пе­релазъ; зъ Перелазу у Коповище, у Мос­калевъ Мостъ; зъ Москалева мосту граница новоположена зъ паномъ Жукомъ, одъ имѣнія его Гомля до Воронина мхами, копцами, на розныхъ мѣйсцахъ ажъ до озера Карасеня; зъ озера Карасеня у рѣч­ку, которая идетъ зъ озера Соломира, тамъ же и копецъ коло елки; тою рѣчкою въ верхъ ажъ до озера Соломира, тое озеро умѣстное съ паномъ Жукомъ; надъ тымъ озеромъ сосна съ рубежами; съ озера Со­ломира рѣчкою унизъ до озера Лешна, тое озеро зъ розными участниками, у томъ озерѣ граница у островъ; зъ острова у мохъ; зо мху въ другое озеро Лешно; зъ того озера, около Городища знову у мохъ, зо мху у мостище, зъ Мостища у Марыну сосну, у ручей; тымъ ручьемъ унизъ у рѣчку Фосницу; тою рѣчкою Фосницою уверхъ у въ озеро у Фосно—тое озеро умѣстное зъ сусѣды пограничными; зъ озера Фосного у Сѣлявину пяту у Ель зъ рубежами; одъ Ели ручьемъ уверхъ до копца на дорожкѣ; одъ копца у мотокъ черезъ дорогу пашнію у березы; зъ березья у мохъ; зо мху у рѣку Ушачу; рѣ­кою Ушачою уверхъ ажъ до рѣчки, ко­торая идетъ зъ озера Бабинца; одъ тое рѣчки черезъ дорогу великую у мохъ; зо мху у Липье; зъ Липья до озера Близна; зъ Близна у кудравый дубъ; одъ дуба у ручей у Мокретъ до мху; одо мху у Со­сонку зъ рубежами; одъ сосны у дубовый пень, просто межою, рубежами старыми до болота Чорного; надъ тымъ болотомъ сос­на бортная зъ рубежами; одъ сосны у го­ру Прорытицу къ земли Крупницкой; одъ горы Прорытицы мхомъ до Вереднего мо­сту; одъ мосту мхами къ земли Хотѣвской до ручья; тымъ ручьемъ уверхъ до Бѣлое старины у великій мохъ; со мху ручьемъ до озера Маленца, въ тое озеро нихто вступа не маетъ, кромъ его милость архіепископъ; зъ озера Маленьца ручьемъ унизъ до мостку у вольху зъ рубежами; одъ тое вольхи у великій камень; одъ того каменя у другій камень великій, одъ каменя надъ ручьемъ въ дубъ; зъ дуба черезъ мохъ у лощину къ земли Хотѣвской; зъ лощины знову у дубъ; зъ дуба у ровокъ, въ томъ ровку вольха; одъ вольхи ручьемъ у болото Порытицу ручей у возеро Вороночъ; тымъ озеромъ до устья; одъ устья помя­нувши въ лѣвѣ Козью бородку у лугу, у загной; зъ Загною у болото ажъ до озера Жабинца; зъ озера Жабинца черезъ до­рогою великою Полоцкою до озера Вѣленца, тутъ знову граница селу Межигорью и селу Науличомъ, также и Воронечу; одъ озера Вѣленьца Чорнымъ ручьемъ уверхъ у болото; зъ болота суходоломъ, землями пашными зъкгрунтомъ пана Бо­ханского Вальковщизна ажъ до ровку; тымъ ровкомъ у мохъ; зо мху суходоломъ въ логовину у сѣножать, на той сѣножати въ пень сосновый; одъ пня у мостокъ; зъ мостка у болото Прорытицкое до клену зъ рубежами, который стоитъ на петѣ чотыромъ границомъ: селу Науличи, Валковщизнѣ, Хотѣвщизнѣ и кгрунтомъ пана Боханского. А въ тыхъ кгрунтыхъ пана Боханского въ Валковщизнѣ борти на ихъ милости архіепископовъ зъ давныхъ ча­совъ бывали; зъ того клену въ копецъ, который стоитъ на горѣ на земли пашной; одъ копца у болотцо Марьядью до суходолу, до земли пашное, ажъ до ручья, надъ которымъ ручьемъ копцы два; одъ тыхъ копцовъ у Великій мохъ; зъ того мху на суходоли знову копцы два; одъ тыхъ копцовъ у Великій мохъ; зъ того мху на суходоли знову копцы два; одъ тыхъ коп­цовъ у мохъ; надъ тымъ мхомъ сосна зъ рубежами; одъ сосны у дубъ надъ Мша­риною; одъ дуба въ ручей; ручьемъ унизъ у мохъ великій; со мху на суходолъ у дубъ зъ рубежами; одъ дуба до озера до Вича, надъ тымъ озеромъ два копцы сто­ятъ, тамъ же и островъ церковный, кото­рый заходитъ панъ Василей Реутъ. Ко­ нецъ границы тымъ селомъ.

Фольварокъ на Тетчу: дворъ, тыномъ стоячимъ старымъ огорожонъ, ворота уѣзные великіе, свѣтлицъ три старыхъ и опа­лыхъ, пекарня, стайня, пивница, клѣти двѣ; тое все будованье опало и погнило; подъ тымъ дворомъ садъ, гумно, осѣты двѣ, пуня для зхованья жита, церковь деревяная малая, старая, гнилая, передъ вороты того двора заложенье святого про­рока Иліи. Подданые до того двора на Тетчи: 

• Радіонъ старецъ, дымъ одинъ, 
• Лазаръ Лобановичъ, дымъ одинъ, 
• Курило Горникъ, дымъ одинъ, 
• Степанъ Новикъ, дымъ одинъ, 
• Иванъ Плешко, дымъ одинъ, 
• Ку­рило Провада, дымъ одинъ, 
• Гарасимъ, дымъ одинъ, 
• пустошь Лаврйновская, дымъ одинъ, 
• Федоръ Бака бояринъ, дымъ одинъ, 
• Туръ, дымъ одинъ, 
• Ерко Чертокъ, дымъ одинъ, 
• Мелишко Кноросъ, дымъ одинъ, 
• Никиперъ Бо­рисовичъ, дымъ одинъ, 
• Ониско, дымъ одинъ, 
• Сопронь, дымъ одинъ,
• Матвѣй Усъ, дымъ одинъ, 

пустошъ Дудчинская, дымъ одинъ; на Веркудзѣ 

• Мойсей Шило, дымъ одинъ,
• Федоръ Шимковичъ, дымъ одинъ, 
• Кастюкъ Кноросъ, дымъ одинъ, 
• Омеліанъ Макаровичъ, дымъ одинъ, 
• свещенникъ, дымъ одинъ, 
• подданый его Семенъ Литвиновичъ, дымъ одинъ; 

корчма до того двора альбо стодола, тамъ же ставъ, млынъ на нимъ зъ однимъ ко­ломъ.—Граница тому селу починаетъ се Тетчомъ озеромъ уверхъ ажъ до пруда его милости архіепископского на рѣцѣ; Дѣвитою рѣкою у верху озеро Беречое; зъ того озера уверхъ у рѣку Туросу; тою рѣкою уверхъ съ Туросы рѣки ручьемъ уверхъ водою живою ажъ до озера Веркуды, въ тое озеро Веркуду вступу нико­му не машъ, одно его милости архіепис­копу; зъ того Веркуда озера у Веркудцо малое; зъ того озера суходоломъ ажъ до озера Тетча конецъ.

Село Усвица до фольварку Тетчанского: 

• Федоръ старецъ зъ братомъ Микитою, дымъ одинъ, 
• Демидъ зъ Гришкомъ, дымъ одинъ, 
• Жемецъ зъ Иваномъ, дымъ одинъ, 
• Осташко зъ Яхономъ, дымъ одинъ, 
• Никипоръ зъ Судникомъ, дымъ одинъ, 
• Иванъ Родко зъ Микитою Дрощономъ Гончаромъ, дымъ одинъ, 
• Кисла зъ братомъ Давидомъ, дымовъ два, 
• Ходоръ и Андрей Горбачонки, дымовъ два.

—Границы тому селу певное не машъ на тотчасъ, бо панове Реутове не мало кгрунтовъ церковныхъ, зъздавна до того села Усвичи належачихъ, до селъ своихъ Ракшевичъ и Глубокого забрали и границу за продоковъ моихъ архіепис­коповъ погісовали, азвлаща коли тое село Усвица въ пустѣ, по выстью Полоцка зъ рукъ Московскихъ, лежало.

Село Завечелье до фольварку Тетчанскаго: 

• Грыдко старецъ зъ братомъ Хари­тономъ, дымъ одинъ, 
• Михалко на треттинѣ части сидитъ, а двѣ части службы въ пустѣ лежатъ, 
• Парфіенъ и Ивашко Тельчаковичъ, дымъ одинъ, 
• Юрко Петрокъ Пискуновичъ, 
• Осташко Конашовичъ, дымъ одинъ, 
• Ивакъ Наплехъ, Васько Яворъ, дымъ одинъ, 
• Грышко Чельчакъ, Грышко Трухоновъ, Яковъ Давидовичъ, Сидоръ зъ сынами Васькомъ и Никипоромъ, дымъ одинъ, 
• пустошь Коношевская, дымъ одинъ, 
• Данило и Никипоръ Маттей, Семенъ Ива­новичъ дымъ одинъ, 
• Борисъ Петровичъ, дымъ одинъ, 
• пустошь Грышковская, дымъ одинъ, 
• Матвѣй слесаръ зъ Овдзѣёмъ Горѣ­лымъ, дымъ одинъ, 
• Иванъ Бабичъ, дымъ одинъ.

—Граница тому селу Завѣчеллю: по­чавши отъ кгрунту пана Подборского се­ла Животоки мхомъ Хващовскимъ въ рѣ­ку Выдрину; тою рѣкою граница зъ се­ломъ Масаромъ ажъ до каменя Коповище до кгрунту Вороньского черезъ рѣку Выдри­ну пущу у Падоры рубежами старыми у роз­номъ деревѣ ажъ у мохъ Березовецъ; со мху Березовца рѣчкою Добрынивыо унизъ у мохъ Каменскій; зо мху Каменского до Розсохъ у ручей Добродѣлевскій, тамъ пришла гра­ница зъ паномъ Рожанкою черезъ пущу рубежами старыми у розномъ деревѣ; тамъ же на той границы концовъ пять закопаныхъ есть ажъ до рѣки Довжицы; а зъ рѣки Довжицы Проровьемъ до Коповища стародавнего зъ Судиловцами, зъ Борковляны и зъ Ушацкими поддаными, зъ того Коповища тымъ же ручьемъ Проровнымъ у рѣку Ушачу, а рѣкою Ушачою на низъ до ручья Шостакова; тымъ ручьемъ уверхъ у озеро Завечелье, тое озеро умѣсное зъ паны Кош­ками; а зъ озера Завечелья одъ Кощина городка, дорогою великою Черствяцкою, у озеро Доменецъ, въ томъ озерѣ вступъ ровный зъ участниками иншими; а зъ озе­ра до Менца уверхъ рѣчкою Жабеницою, ажъ до Петрова Луку; зъ Петрова Луку стариною граница зъ Стайками; зъ тое ста­рины у болото у мохъ; а со мху ручьемъ унизъ Быковымъ подъ Самецъ—дубье; а одъ того дубья у мохъ Великій ручьемъ у Фоцовскій мохъ; тутъ конецъ границы тымъ кгрунтомъ.

Село Дольце, до фольварку Тетчаньского належачее: 

• Михна Крика старецъ, дымъ одинъ, 
• Кузьма Пантелеевичъ, дымъ одинъ, 
• Иванъ Мошнаръ Рунецъ, дымъ одинъ, 
• Исакъ Творогъ, дымъ одинъ, 
• Степанъ Казюля, дымъ одинъ, 
• Данило Скарыникъ, дымъ одинъ, 
• Семенъ Скарыникъ, дымъ одинъ, 
• Гритко Нефѣдовъ, дымъ одинъ, 
• Сте­фанъ Марковичъ, Ониско, дымъ одинъ, 
• Ма­тей Литвинъ, дымъ одинъ, 
• Васько Рома­новичъ Скоряга, дцмъ одинъ, 
• Игнатъ Скоряга, дымъ одинъ, 
• Семенъ Купріановичъ, дымъ одинъ, 
• Сава и Никипоръ, Алексѣева вдова, дымъ одинъ, 
• Никипоръ Шикутъ дымъ одинъ, 
• Омеліанъ Малашевичъ, дымъ одинъ, 
• Сава Крика, дымъ одинъ, 
• Васька Окалевичъ, дымъ одинъ, 
• Радько Попѣлка, дымъ одинъ, 
• Васько Форжъ, дымъ одинъ, 
• Михалко Казимиръ, дымъ одинъ, 
• Матвѣй Гришковичъ зъ братомъ, дымъ одинъ, 
• Омеліанъ Гапоновичъ, дымъ одинъ,
• Пилимонъ Марко­вичъ, дымъ одинъ, 
• Савастѣй Литвинъ дымъ одинъ, 
• Нефѣдъ, дымъ одинъ, 
• Борисъ, дымъ одинъ, 
• Тихонъ на Вобуховскомъ Окатевичъ, дымъ одинъ, 
• Васько Короткій, дымъ одинъ, 
• Омеліанъ Гришковичъ, дымъ одинъ.

Село Замошье: 

• Гришко Пѣтухъ, дымъ одинъ, 
• Окула Матвѣевичъ, дымъ одинъ, 
• Семенъ Пѣтухъ, дымъ одинъ, 
• Васько Пѣ­тухъ, дымъ одинъ, 
• Ходоръ Ивановичъ, дымъ одинъ,
• Павелъ Кузнецовичъ, дымъ одинъ, 
• Солтанъ Кузнецовичъ, дымъ одинъ 
• зъ бра­томъ Селивономъ, дымъ одинъ, 
• Иванъ Куз­нецовичъ, дымъ одинъ.

Въ тыхъ селахъ пустоши: 

• пустошь Сыможенская, дымъ одинъ, 
• пустошь Тихоновска, дымъ одинъ, 
• пустошь Савинска, дымъ одинъ, 
• пустошь Ольховича, дымъ одинъ, 
• пустошь Шаркова, дымъ одинъ, 
• пустошь Цыбульчина, дымъ одинъ, 
• пус­тошь Тарасова, дымъ одинъ, 
• пустошъ Яку­бова, дымъ одинъ, 
• пустошь Свиркова, дымъ одинъ, 
• пустошь Шниткова, дымъ одинъ, 
• пустошь Пилиповска, дымъ одинъ, 
• пус­тошь Синцова, дымъ одинъ, 
• пустошь Иг­натовска, дымъ одинъ, 
• пустошь Михалкова, дымъ одинъ, 
• пустошь Опанасова, дымъ одинъ, 
• пустошь Воронова, дымъ одинъ, 
• пустошь Москалева, дымъ одинъ, 
• пустошь Карташева, дымъ одинъ, 
• пустошь Мохонева, дымъ одинъ,

пустовщизна въ Замошу, 

• пустошь Форогова, дымъ одинъ, 
• пустошь Королевска, дымъ одинъ, 
• пустошь Стефка Марковича, дымъ одинъ, 
• пустошь Василева, дымъ одинъ, 
• пустошь пана Мороза, дымъ одинъ, 
• пустошь Салтанова, дымъ одинъ, 
• пустошь Кузмина, дымъ одинъ, 
• пустошь Лаптѣева, дымъ одинъ.

Въ томъ селѣ Дольцахъ церковь дере­вянная старая, заложенье святыхъ Козьмы и Демьяна; при той церкви свещенникъ маетъ землицы наданое зъ давныхъ часовъ дымовъ чотыры; при той же церкви панамаръ, дымъ одинъ.

Село Весницко: 

• Агапонъ Дорофѣевичъ, дымъ одинъ, 
• Стефанъ Кузминичъ, дымъ одинъ, 
• Данило Годоступъ, дымъ одинъ, 
• Гаурило Васьковичъ, дымъ одинъ, 
• Сава Кондратовичъ, дымъ одинъ, 
• Клемята Федоровичъ, дымъ одинъ, 
• Яковъ Ульяновичъ, дымъ одинъ, 
• Селивонъ Шуляга, дымъ одинъ, 
• Трухонъ Гарковичъ, дымъ одинъ, 
• Савастѣй Боярковичъ, дымъ одинъ, 
• Гришко Савастѣевичъ, дымъ одинъ, 
• Курило Полежака, дымъ одинъ, 
• Филипъ Кожемяка, дымъ одинъ, 
• Ходоръ Товстоногъ, дымъ одинъ, 
• Радивонъ Лось, дымъ одинъ, 
• Сидоръ Борисовичъ, дымъ одинъ зъ братомъ, 
• Иванъ Агапоновичъ, дымъ одинъ, 
• Сопронъ Брикунъ, дымъ одинъ, 
• Иванъ Пыелякъ, дымъ одинъ, 
• Кондратъ Дорофѣевичъ, дымъ одинъ, 
• Павелъ Доро­фѣевичъ, дымъ одинъ, 
• Дорошко Андрѣевичъ, дымъ одинъ,
• Панкратъ Кондратовичъ дымъ одинъ.

Граница тымъ селомъ. Дольцу и Вѣсницку: почавши одъ Кубличъ одъ урочи­ща Бычковщизны ручьемъ унизъ къ зем­ли Судиловской; съ того ручья на сухо­долъ, рубежами старыми черезъ землю пашную и черезъ Старину ажъ до ручья, идучи тымъ ручьемъ унизъ до чистого бору, тамъ рубежи въ розномъ деревью, землею пашною и пристаринками ажъ до рѣки Лубеницы, тою рѣкою унизъ у рѣ­ку Ушачу, рѣкою Ушачою унизъ ажъ до ручья Чорного; тымъ ручьемъ у верхъ; съ того ручья на суходолъ знову къ ста­рой дорозѣ, прозываемой Василевичи; че­ резъ тую дорогу у сосну бортную Плющининскую, одъ тое сосны у мохъ; тымъ мхомъ черезъ рѣку Звиницу на сухо­долъ у Дубъ Плющининскій; одъ Дуба у болото; зъ болота на суходолъ; зъ су­ходолу у мохъ до пяты, гдѣ сышли се гра­ницы землямъ Судиловской, Вороновской и Долецкой; одъ тое пяты на боръ тамже ру­ бежи въ трехъ соснахъ; одъ тыхъ сосонъ мхомъ до Коповища, прозываемого Поровѣнского зъ селомъ Боронемъ; одъ Копо­вища знову мохъ; тымъ мхомъ у въ озеро Поровно, въ томъ озерѣ вступъ его ми­лости архіепископу спольный зъ сусѣды прилеглыми; зъ того озера боромъ ров­нымъ до рѣки, межи тою рѣкою уверхъ до озера Свѣржна, въ томъ озерѣ вступъ спольный зъ сусѣды прилеглыми; зъ того озера рѣчкою Свѣржницею унизъ; зъ тое рѣчки на боръ; зъ бору знову у мохъ Лотыгольскій, со мху знову чрезъ боръ у въ озеро Витыръ, надъ тымъ озеромъ ру­бежи въ Березѣзъ того озера рѣчкою Вѣченьцомъ уверхъ къ земли пашной там­ же рубежи у каменѣ, одъ того каменя зем­лею пашною до коповища Своролья зъ малыми Дольцами; одъ того коповища землею пашною боровою ажъ до дороги Витепской, которая идетъ зъ Черницы; одъ той дороги боромъ щирымъ Пѣлскою до мху Лисинского; тымъ мхомъ до боло­та Черниска; а зъ болота Черниска бо­ромъ знову до тоежъ дороги Витепское, тою дорогою Витепскою ѣдучи до Черницы мимо мохъ Раславъ до рѣки Черницы до мосту тою рѣчкою Черницою уверхъ до дуба Красна; одъ дуба Красна тоюжъ рѣкою уверхъ у глыбокій Перелазъ, а зъ глыбокого Пере­лазу тоюжъ рѣкою до Верховья, зъ Верховья у мохъ; со мху боромъ на Грыбовъ; зъ того Грыбла умохъ Полосновъ, зъ того мху у подолину Виретю у ручей воду Живую; тымъ ручьемъ уверхъ у Гаурилово боло­то мостъ; одъ моста водою живою у верхъ у Садки, одъ садковъ у каменный мостъ; одъ моста тоюжъ водою у верхъ у Раево болото; одъ Раева болота ажъ подъ село Дольца Литовскіе до суходолья, до земли пашное до дуба зъ рубежами; одъ того дуба межою въ липу; одъ липы у Ста­рину; у Старынѣ у пень дубовый рубежи Стародавные; одъ того пня черезъ Стари­ну у дубъ; одъ дуба черезъ Старину къ земли пашной до дуба, прозываемого бор­ти Коледино, и тутъ се земли границы селу Дольцомъ его милости архіепископ­скимъ и Дольцомъ, прозываемомъ Литов­скимъ, также и селу Вѣсницку; одъ того дуба лощиною въ дорогу Браславскую, дорогою прошодши въ Пристаринки, по­ томъ землею пашною до ручья, который идетъ одъ дворищъ села Весницка Литовского; тымъ ручьемъ на коповище на бо­рокъ; боркомъ прошодши у лѣщинникъ подъ Матеуша у ручей воду живую; тымъ ручьемъ у верхъ прошодши на суходолъ землею пашною и пристарниками ажъ до ручья Бышковского до коповища селомъ Дольцомъ, Кубличомъ, Весничиномъ, Ли­товскомъ и Судиловцомъ; тутъ конецъ гра­ ницы селу Дольцамъ и селу Весницку.

И на то есьмо дали его милости въ Бозѣ Велебному отцу Іосефу Кунцевичу, архіепископу Полоцкому, Витепскому и Мсциславскому, сесь нашъ инвентарь зъ печатьми и зъ подписями рукъ нашихъ. 

Писанъ въ Полоцку, року, мѣсеца и дня на датѣ въ симъ инвентару выжъ описаномъ.

U tego inwentarza, przy dwuch pieczę­ciach przyciśnionycli podpisy rąk temi sło­wy: Іосифъ Веляминъ Руцкія, метрополи­та Кіевскій, Галицкій и всея Руси рукою власною.—Janusz Skumin, starosta Brasławski, własną ręką. A suscepta dawnieysza tegoż inwentarza ad acta xiąg ziem­skich Woiewodztwa Połockiego temi słowy: Року тысеча шестьсотъ чоторы десятого мѣсеца генвара двадцать первого дня. На рокахъ теперешнихъ трикрольскихъ въ Бозѣ велебный его милость отецъ Анто­ній Селява—архіепископъ Полоцкій, Витепскій и (Мстиславскій) въ тотъ инвен­тарь списанья маетностей и подданыхъ церковныхъ ку актикованью до книгъ земскихъ Полоцкихъ очевисто у суду по­кладалъ, Янъ Подбипента—писаръ земскій Полоцкій. Który to takowy inwentarz, za podaniem onego przez osobę wyż wyra­żoną ad acta, jest do xiąg ziemskich spraw wieczystych województwa Połockiego przyięty у wpisany, z których у ten wypis, pod pieczęciami urzędowymi a z podpisem ręki pisarskiey i. w. W Bogu Nayprzewielebnieyszemu iego mości xiędzu Floryanowi Połockiemu jest wydań. Pisań ut supra. U tego extraktu inwentarza opi­sania dóbr archiepiskopii Polockiey, na pięciu arkuszach pisanego, czerwonymi nić­mi sposzytego, przy wyciśniętych dwóch urzędowych ziemskich pieczęnciah podpis w. pisarza ziemskiego Połockiego. Po niżey correcta у intytulacya temi wyrażaią się słowy: Bazyli Rypiński, ziemski woiewodztwa Połockiego pisarz. Correxit Sipayło mp. Akt inwentarza dóbr archiepiskopii Połockiey ritus uniti graeci. Który to extrakt, przez wyż wyrażoną osobę do akt podany, iest do xiąg ziemskich woiewodztwa Wileńskiego przyjęty у wpisany.